Outolesion

Si bo a heridá bo mes severamente òf bo ta den peliger, yama un ambulans (912) aworaki òf bai sala di emergensia!

Bo no ta bo so! Bo no ta straño, ni “ta buska atenshon”.

Purba awor

Pausa i hala rosea
Bisa bo mes:
“E sentimentu aki lo pasa.”
Hala rosea aden durante 4 sekònde, tene bo rosea durante 4 sekònde i saka rosea durante 8 sekònde.
Ripití esaki 10 biaha.
5-4-3-2-1: Nombra 5 kos ku bo ta mira, 4 kos ku bo por mishi, 3 kos ku bo ta tende, 2 kos ku bo ta hole i 1 kos ku bo ta smaakBisa nan duru
Reset ku frieldat: tene un blòki di eis. den bo man òf splash awa foi kranchi, riba bo kara. Hala rosea poko poko i duna bo mes un momentu di pas, promé ku bo hasi algu.

Mas informashon

Tin diferente motibu pakiko hende ta hasi daño na nan mes, por ehèmpel pa:

Desahogá dolor, rabia òf stress
Sintí algu ora bo ta sinti bo mes sin heful of sentimentu òf sin emoshon
Kastigá bo mes pa kulpa òf bergwensa
Mustra ku bo ta sufri di paden ora palabra no ta sali

Kualke sea e motibu, esaki no ta nifiká ku bo ta “malu”. E ta nifiká ku bo ta sufriendo.

Kòrda:

Bo no ta kibra, komo persona. Bo ta bal hopi. Outo-lesion ta un señal di dolor, e no ta determiná ken bo ta.
Bo ta meresé bondat i sosten, prinsipalmente di bo mes.
Kuramentu ta posibel. Ku abilidat nobo i yudansa, e deseo di hasi daño na bo mes por bira ménos fuerte i bida por bira menos duru i mas dushi.

Ki ora bo mester bai dokter?

Si bo ta heridá severamente òf bo ta den peliger, yama un ambulans (912) aworaki òf bai sala di emergensia!

Si algun di e siguiente kosnan ta pasando pa aproximadamente denter di dos siman , i keda, bai un dokter mesora.

ora bo ta sinti e deseo di hasi daño na bo mes
ora e daño na bo mes, ta pasa mas i mas i ta sinti mas difísil pa para
ora bo ta usa alkohol òf droga pa no sinti e deseo
ora bo humor ta abou durante mayoria di e dianan na skol, na trabou, ku amigonan, etc i nan tambe ta sufri
ora bo ta skonde heridanan i ta evitá hende
ora bo ta sinti ku bo ta keda pega den e kosnan ku ta hinka bo den e deseo, pa hasi bo mes daño

Bo no mester warda te ku tin un krísis pa bai dokter. Tin kosnan ku por yuda bo!

Unda mi ta haña yudansa?

Yama 912 awor

Si bo ta den peliger inmediato òf bo ta hopi malu.

Yama òf chat ku 918!

Bo por yama tambe òf chat ku e number 918 (Djaluna pa Djabierne 10:00-18:00, Djasabra 12:00-18:00) Anonimo i gratis pa mucha, hoben i adulto te ku 25 aña.

Chat 24/7 ku 113

Si bo no ta wòri pa papia Ingles òf Hulandes, tin un chat 24/7 disponibel pa prevenshon di suisidio.

Tèp

Tips pa e momento mes

Pausa i hala rosea: bisa bo mes: “E sintimentu aki lo pasa.”
Rosea: Hala rosea aden 4 sekònde, tene 4 sekònde i saka rosea 6–8 sekònde. Ripití 10 biaha.
Kambia bo ambiente: bai un lugá mas sigur òf keda serka di otro hende
Distrakshon: mira algu, hunga un wega, skucha músika, pinta òf hasi otro aktividat
Papía ku un hende: manda un mensahe òf yama un hende ku bo ta konfia
Pone distansia entre abo i kualke kos ku bo por usa pa hasi daño na bo mes
Posponé: bisa bo mes ku bo lo warda 10 minüt. E deseo por bira hopi fuerte i despues baha atrobe
Músika i move: pone músika kalmante, stretch, kana òf move bo kurpa. Movementu por yuda liberá tension

Tips pa largo plaso

Sa kiko ta bo triggersnan: wak ki ora i unda e deseo ta presentá. Ki sintimentu ta bin promé?
Buska maneranan salú pa desahogá: skirbi, pinta, kanta, hasi ehersisio, hala rosea òf medita. Sa bon, kiko ta e kosnan ku ta yuda bo. I usa nan.
Krea un ret di sosten: pensa riba personanan ku bo por akudí na dje, ora kosnan ta bira difísil.
Buska yudansa profesional: tuma pasonan pa haña terapia òf sosten pa hubentut

Ehersisio

Keda firme den e momento (5-4-3-2-1)

Nombra:

5 kos ku bo ta mira
4 kos ku bo por mishi
3 kos ku bo ta tende
2 kos ku bo ta hole
1 kos ku bo ta proba

Bisa nan duru.

Hala rosea poko poko

Hala rosea aden pa 4 sekònde
Saka rosea pa 6 te 8 sekònde
Hasi esaki por lo ménos 5 biaha

Mi plan pa enfrenta e momento

Skirbi:

Ora mi sinti ku mi ke hasi daño na mi mes, mi por promé: …
Un kos ku por distraé mi: …
Un persona ku mi por kontakta: …
Un lugá sigur unda mi por bai: …
Un motibu pa pasa dor di e momentu aki: …

Bo por traha e plan aki huntu ku un persona ku bo ta konfia

Reseta friu

Splash awa di kranchi riba bo kara òf tene algu friu den bo man. Hala rosea poko poko i foccus riba e friu. Duna bo mes un momentu promé ku bo disidí kiko bo ta bai hasi despues.

Pasa dor di e deseo

Tin biaha e deseo pa hasi bo mes daño, por sinti hopi fuerte. Pero bo no mester aktua riba dje mesora. Purba duna bo mes 10 minüt pa “pasa dor di e deseo”.

Pone un timer pa 10 minüt i bisa bo mes: “Mi por warda 10 minüt promé ku mi hasi algu.”
Nota e deseo sin aktua riba dje. Lag’é ta ei sin lucha kontra dje.
Hasi algu ku por yuda bo pasa dor di e momentu: skucha músika, hunga un wega, tuma un baño, bai pafó, pinta òf papía ku un hende.
Ora e timer kaba, wak kon bo ta sinti i puntra bo mes: “E deseo ta mes fuerte ku promé?”
Si ainda e ta fuerte, bo por duna bo mes otro 10 minüt.
E meta di e ehersisio aki no ta pa hasi e deseo disparsé.
E ta pa duna bo mes un tiki espasio entre e sintimentu i loke bo ta hasi despues.