Kon pa papia ku un hende tokante suisidio
E 4 pasonan ta
Bo ta preokupa ku un hende den bo kring, ta pensa riba suisidio? E ta importante pa papia tokante esaki. E por sinti ku e tema aki no ta fasil pa bo. Aki bo por haña algun tips tokante kon pa kuminsá e kombersashon, kiko pa bisa i kiko pa no bisa.
E 4 pasonan ta:
- Mustra bo preokupashon.
- Hasi e persona pregunta.
- Skucha i mustra empatia.
- Buska yudansa huntu.
1.Kon pa kuminsá e kombersashon?
Kuminsá promé ku konektá ku e persona. Kuminsá un kombersashon i laga nan sa ku bo ta preokupa. Bisa nan kiko bo ta nota. Por ehèmpel:
- “Mi a nota ku últimamente bo ta hopi mas ketu ku normalmente.”
- “Mi a nota ku bo ta kanselá bo plannan i ta preferá keda bo so.”
- “Mi a nota ku últimamente ta bira difísil pa bo konsentrâ den klas.”
- “Mi a tende bo bisa ‘Mi ta kansá di tur kos’ algun biaha e siman aki.”
- “Mi ta mira ku bo tin hopi kos den bo kabes i ku awor tur kos ta parse hopi pisá pa bo.”
2.Despues di e apertura sinsero aki, kuminsá papia tokante suisidio. Investigashon a mustra ku papia direktamente tokante suisidio no ta oumentá e riesgo.
Kon pa hasi e pregunta tokante suisidio:
- “Bo a yega di pensa riba suisidio?”
- “Bo a yega di pensa: ‘Mi no ke sigui biba asina’?”
- “Bo a yega di pensa: ‘Bida no tin sentido pa mi mas’?”
EVITÁ:
- “Bo no ke muri realmente, tog?”
- “Bo no ta bai hasi algun kos di hende loko of kos bobo, tog?”
- “Bo sa kuantu e kos aki ta hasi mi doló?”
3.Kiko bo ta hasi ora un hende bisa bo ku e ta pensa riba suisidio òf ku e no ke biba mas?
- Skucha sin huzga.
- Sigui hasi pregunta.
- Mustra empatia pa nan sintimentunan.
Hasi e 3 preguntanan di seguimiento:
- “Bo a pensa kon bo lo hasi esaki?”
- “Bo tin akseso na e medionan pa hasi esaki awor?”
- “Bo ta pensa di hasi esaki awe òf pronto?”
Si e situashon ta urgente (si e kontesta ta “sí” na e preguntanan ariba):
- Keda ku e persona.
- Kita e medionan ku ta na su alkance, si esaki ta seif pa abo hasi.
- Aktivá yudansa di emergensia: 912
EVITÁ:
- No purba di resolvé tur kos bo mes.
- No prometé ku bo lo tene e situashon sekrèto.
- No karga e situashon bo so. Konseho: Papia ku un persona di konfiansa i buska sosten.
4.Buska yudansa huntu na dòkter, sikólogo òf 113
- 912: Ambulans
- Pa papia te ku 25 aña: 918
- Yudansa pa término largu: kontakta e dòkter di kas (huisarts) pa haña un vereijsbrief na un sikólogo.
Kiko mas bo por hasi? Traha un plan di seguridat.
Den un plan di seguridat, bo por kontestá e siguiente preguntanan:
- Kon mi ta ripará ku e situashon ta bira pió?
- Kiko mi por hasi pa sinti mi mas sigur òf mas kalmu?
- Unda òf ku ken mi por bai pa no keda mi so?
- Ku ken mi por papia tokante kon mi ta sinti?
- Kua profesional òf serbisio mi por kontakta?
- Kon mi por hasi mi atmosfera di ambiente, rond di mi, mas sigur?
- Mi kompromiso durante un krisis: Kiko mi ta komprometé di hasi pa keda sigur?
Wak e siguiente link di prevenshon pa suisidio, si bo ke siña mas tokante e tema.
https://vraagmaar.113.nl/
Kuidá bo mes tambe!
Ta hopi difísil pa mira un hende ku bo ta stima, luchando, i esaki por hasi bo preokupa hopi. No hasi e situashon di bo, kuidá bo mes tambe. Papia ku un hende ku bo ta konfia i buska sosten si bo tin mester di dje. Klik aki pa mas tips.
“Kon pa kuidá di bo mes ora bo ta preokupa tokante un ser kerí”
