
Hofi Cas Cora
+5999 524 9274
+5999 524 9274
http://kurapakura.com/
http://kurapakura/
Kurá Pa Kura
What do they do? What is their specialty?
Mishon
Nos ta ofresé mucha, hóben i adulto un ambiente sigur, struktural i ku sentido, kaminda nan por desaroyá na nan propio ritmo. Nos kurá, nos kunuku di kuido ta sostené personanan ku desafionan mental òf psikososial, i tambe personanan sin e desafionan ei ku tin mester di sosten èkstra, sosiegu òf espasio pa kresementu personal.
Pa medio di aktividatnan bon prepará, nos ta sostené hóben i adulto den nan desaroyo personal, fortalesimentu di abilidatnan sosial, kresementu di konfiansa den nan mes i mehoramentu di bienestar general. Tur hende ta bon biní pa ta nan mes i ta haña espasio pa deskubrí nan talentonan i krese.
Kiko nos ta ofresé
Pa realisá nos mishon, entre otro nos ta ofresé:
Programanan di dia
Pa hóben i adulto ku, pa motibu mental, sosial òf médiko, temporalmente òf pa mas tempu no por partisipá den edukashon regular, trabou òf otro aktividatnan diario. Den un ambiente chikí i trankil, nos ta enfoká riba struktura, desaroyo, konfiansa den bo mes i perspektiva pa futuro.
Farm Club (aktividatnan despues di skol)
Aktividatnan di grupo despues di skol pa muchanan ku òf sin desafionan mental òf psikososial. Eksperensianan huntu, koperashon i dibertishon ta e elementonan prinsipal di e aktividatnan aki.
Equine Assisted Learning (EAL)
Trayektonan individual di siñamentu i desaroyo ku sosten di kabai, pa hóben i adulto. E programanan aki ta yuda fortalesé abilidatnan emoshonal, sosial i motor, aumentá konsenshi di bo mes i kontribuí na konfiansa den bo mes i forsa personal.
Wat does it cost?
Nos ta habrí di djamars te djabièrnè. Famianan por tuma kontakto direktamente; no tin mester di referensia.
Pa esnan ku finansieramente no por paga e kostonan, nos ta ofresé sosten finansiero òf partisipashon grátis.
Farm Club (programa despues di skol di 14:00 te 17:00) ta kosta XCG 175 pa luna. Kuido di dia/programanan di dia ta kosta XCG 250 pa luna, ku orario ku ta wordu akordá den konsultashon.
