Poder di mente

Relashonnan salú por yuda baha strès i laga bo sinti ménos bo so. Yama un amigu, papia ku un bisiña òf kome ku bo famia por yuda mantené bo mente fuerte.

Kos nan chikí pa keda aktivo, manera baila (na kas), kana banda di laman, landa, pone muzik segun bo ta limpia.

Tuma un pauze tin bia pa bo por hala aden loke ta rònt di bo: e koló nan , e zonido nan , e bientu. Tin bia nos mente ta fokus riba pasado òf futuro, òf na nos telefòn, ku nos pèrdè kontakto ku loke ta pasa rondó di nos den e momentu aktual.

Siña por yuda bo komprometé mas ku bo mes i subi bo estima (self-esteem). Bo ta sinti ku bo ta mehorá, bo ta haña prueba ku bo por krese, e ta duna bo un sensashon di kòntròl, independensia i e ta aktivá e sistema di “premio” den bo selebre. Tur kos bon… i… bo por siña for di un otro tambe kual ta mihó pa bo salú mental.

Akto di bondat ta laga nos sinti mihó. Yuda un amigu, wak su drechi, hasi algu boluntario òf un sonrisa pa yuda un hende sinti su mes mihó. E ta krea un sensashon di proposito i e ta hasi bo konekshon ku hende rònt di bo mas profundo.

Purba di drumi bon i sosegá sufisiente. Ora bo ta sinti bo mes ku energia ta fásil pa manehá strès.

Kome salú ta yuda sostené un mente balansa. Kome kuminda nan lokal, manera: mango, papaya, piska, spinazi i banana. Purba di bebe ménos soda òf alkohòl.